បណ្ឌិតគិន ភា៖ដំណើរទស្សនកិច្ចរបស់រដ្ឋមន្រ្តីការបរទេសជប៉ុនមកកម្ពុជា ប្រហែលមិនមែនមកដោយដៃទទេរនោះឡើយ
ចុះផ្សាយនៅថ្ងៃ៖
ស្តាប់ - ១១:៤៧
ចាប់ពីថ្ងៃទី២១ ខែសីហាស្អែកនេះ ដល់ថ្ងៃទី២៣ ខែសីហា រដ្ឋមន្រ្តីក្រសួងការបរទេសជប៉ុននឹងមកបំពេញទស្សនកិច្ចផ្លូវការនៅក្នុងប្រទេសកម្ពុជា។ ដំណើរទស្សនកិច្ចនេះ គឺចំពេលដែលកម្ពុជាកំពុងប្រយុទ្ធប្រឆាំងនឹងការរីករាលដាលនៃជំងឺកូវីដ១៩ និងស្តារសេដ្ឋកិច្ចរបស់ខ្លួនឡើងវិញ។ លោកបណ្ឌិតគិន ភា អ្នកជំនាញវិទ្យាសាស្រ្តនយោបាយ និង ជាប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា បានលើកឡើងថា ការមកទស្សនកិច្ចរបស់រដ្ឋមន្រ្តីការបរទេសជប៉ុននាពេលនេះ នឹងមានផលវិជ្ជមានច្រើនសម្រាប់កម្ពុជា។ លោកបន្តថា រដ្ឋមន្រ្តីការបរទេសជប៉ុនទំនងជាមកកម្ពុជាមិនមែនដោយដៃទទេរនោះឡើយ តែអាចភ្ជាប់មកនូវជំនួយជាថវិកា និងសម្ភារៈជួយដល់កម្ពុជាប្រយុទ្ធប្រឆាំងនឹងជំងឺកូវីដ១៩ និងស្ដារសេដ្ឋកិច្ចឡើងវិញ។
