បទសម្ភាស
លោក ទៀ សីហា៖ បើមានការតម្លើងថ្លៃផ្ទះសំណាក់ និងសណ្ឋាគារ អាជ្ញាធរនឹងចាត់វិធានការ
ចុះផ្សាយនៅថ្ងៃ៖
ស្តាប់ - ០៩:៥៤
អាជ្ញាធរខេត្តសៀមរាប កំពុងត្រៀមវិធានការបង្កើនការការពារជំងឺកូវីដ១៩ ខណៈដែលប្រជាពលរដ្ឋកំពុងសម្រុកចេញពីទីក្រុងទៅសម្រាកនៅតាមតំបន់ទេសចរណ៍នានា។ លោក ទៀ សីហា អភិបាលខេត្តសៀមរាប ជាភ្ញៀវប្រចាំថ្ងៃរបស់វិទ្យុបារាំងអន្តរជាតិRFIនៅរាត្រីនេះ បានគូសបញ្ជាក់ថា ទាំងនៅតាមទីសាធារណៈ ទាំងនៅតាមសណ្ឋាគារ និងផ្ទះសំណាក់ ត្រូវបានដាក់ជនបង្គោលម្នាក់ដើម្បីវាស់កម្តៅ និងបាញ់អាល់កុលលាងដៃ។ ចំណែកតម្លៃបន្ទប់សណ្ឋាគារ និងផ្ទះសំណាក់វិញ គឺត្រូវបានណែនាំមិនឲ្យមានការតម្លើងថ្លៃនោះទេ ដោយសារតែរដ្ឋបានអនុគ្រោះពន្ធផ្សេងៗរួចហើយ តែបើមានករណីតម្លើងថ្លៃបន្ទប់ស្នាក់នៅទៀត អាជ្ញាធរនឹងចាត់វិធានការ។
