បទសម្ភាស
លោក ហង់ ជួនណារ៉ុន៖ ការចូលរៀនឡើងវិញរបស់សិស្សថ្នាក់ទី៩និងទី១២គឺទាមទារកិច្ចសហការជាមួយអាណាព្យាបាល
ចុះផ្សាយនៅថ្ងៃ៖
ស្តាប់ - ១១:០៥
ការបើកសាលារៀនឡើងវិញក្នុងដំណាក់កាលទី២ នឹងធ្វើឡើងក្នុងខែកញ្ញាខាងមុខ គឺសម្រាប់សិស្សថ្នាក់ទី១២ និងសិស្សថ្នាក់ទី៩ ដែលត្រូវប្រឡងបញ្ចប់។ លោក ហង់ ជួនណារ៉ុន រដ្ឋមន្ត្រីក្រសួងអបរ់ យុវជន និងកីឡា បានគូសបញ្ជាក់ថា សាលារៀនដែលត្រូវបើកទ្វារនៅខែក្រោយនេះ គឺត្រូវបែងចែកសិស្សក្នុងមួយបន្ទប់ត្រឹម១៥នាក់ ត្រូវបង្កើតកន្លែងលាងដៃឲ្យច្រើន ហើយមិនត្រូវឲ្យសិស្សឈរប្រជ្រៀតគ្នាឡើយ។ ជាងនេះទៀតលោករដ្ឋមន្ត្រីសង្កត់ធ្ងន់ថា ការចូលរៀនដំណាក់កាលទី២នេះ ទាមទារចាំបាច់នូវការសហការរវាងអាណាព្យាបាលសិស្ស និងសាលារៀន ពោលត្រូវបានរាយការណ៍ជាប្រចាំ ក្នុងករណីមានអ្នកចំណូលថ្មី។