លោក រស់ ស៊ីលវ៉ា៖ ឥណទាន៥០០លានដុល្លារ នឹងធានាការរស់រានសេដ្ឋកិច្ចខ្មែរពេលមានវិបត្តិកូវីដ១៩ និងការស្ទុះឡើងវិញក្រោយវិបត្តិ
នៅក្នុងសន្និសីទកាសែតស្តីពី«ដំណើរការ និងនីតិវិធីនៃគម្រោងហិរញ្ញប្បទានទ្រទ្រង់សហគ្រាសធុនតូច និងមធ្យម(SME)» ដែលរៀបចំឡើងដោយអង្គភាពអ្នកនាំពាក្យរដ្ឋាភិបាលនាព្រឹកថ្ងៃព្រហស្បតិ៍នេះ លោក រស់ ស៊ីលវ៉ា រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ ទទួលបន្ទុកផ្នែកហិរញ្ញវត្ថុ និងគោលនយោបាយម៉ាក្រូសេដ្ឋកិច្ច បានលើកឡើងថាការផ្តល់ហិរញ្ញប្បទានដល់ SME គឺជាផ្នែកមួយដ៏សំខាន់នៃវិធានការឆ្លើយតបទៅនឹងផលប៉ះពាល់នៃកូវីដ១៩។ លោក រស់ ស៊ីលវ៉ា បន្តថាជំហ៊ានទី២ ក្នុងការគាំទ្រដល់វិស័យ SME នេះ គឺរដ្ឋាភិបាលបានត្រៀមថវិកាប្រមាណជា៥០០លានដុល្លារទៀត ក្នុងនោះ២០០លានដុល្លារ សម្រាប់ធានាឥណទានដល់SME ខណៈពួកគេបានខ្ចីឥណទានដោយពុំមានទ្រព្យបញ្ចាំ និង៣០០លានដុល្លារ ទៀតជាឥណទានបន្ថែម។ លោករដ្ឋលេខាធិការសង្ឃឹមថា គម្រោងថវិកាឥណទានរបស់រដ្ឋដ៏ធំធេងនេះ នឹងធានាបាននូវការរស់រាននៃសេដ្ឋកិច្ចកម្ពុជា និងត្រៀមលក្ខណៈងើបឡើងវិញក្រោយពេលវិបត្តិកូវីដ១៩។
ចុះផ្សាយនៅថ្ងៃ៖
សូមស្តាប់ប្រសាសន៍លោក រស់ ស៊ីលវ៉ា ដែលរៀបចំដោយ ញឹម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ