កញ្ញា ឈឹម ស៊ីថរ៖«ទោះកាស៊ីណូបើកឡើងវិញតែបុគ្គលិកបានចូលធ្វើការតិចតួច និងបន្ថយម៉ោងការងារ»
ចុះផ្សាយនៅថ្ងៃ៖
ស្តាប់ - ០៩:១៨
បន្ទាប់ពីរដ្ឋាភិបាលបានសម្រេចអនុញ្ញាតឲ្យដំណើរការកាស៊ីណូឡើងវិញសម្រាប់ល្បែងភ្នាល់ និងស្លតម៉ាស៊ីន កាលពីដើមខែកក្កដានេះ បន្ទាប់ពីបិទអស់រយៈពេល៣ខែដោយសារការពារការឆ្លងវីរុសកូវីដ១៩ កញ្ញា ឈឹម ស៊ីថរ ប្រធានសហជីពក្រុមហ៊ុនកាស៊ីណូណាហ្គាវើល កត់សម្គាល់ថា បុគ្គលិកដែលបានចូលបំរើការងារវិញមានប្រហែលជា៤០%ប៉ុណ្ណោះ។ តាមកញ្ញា ឈឹម ស៊ីថរ ទោះបីជាកាស៊ីណូបើកឡើងវិញក៏ដោយ ក៏ប៉ុន្តែចំនួនថ្ងៃធ្វើការងារត្រូវបានកាត់បន្ថយមកតិចបំផុត ជាហេតុធ្វើឲ្យអ្នកដែលមិនទាន់បានចូលធ្វើការនៅបន្តប្រឈមនឹងបញ្ហាជីវភាពដដែល ខណៈបុគ្គលិកកាស៊ីណូ មិនត្រូវបានផ្តល់ប្រាក់ឧបត្ថម្ភពីរដ្ឋាភិបាលអ្វីទេ អំឡុងពេលដែលមានការព្យួរការងារ។