ស្ត្រីសហជីព៣នាក់នៃសណ្ឋាគារ Le Meridien Angkor រងការបញ្ឈប់ពីការងារ នៅពេលសណ្ឋាគារបើកឡើងវិញកាលពីថ្ងៃពុធ
បុគ្គលិកកម្មករនៃសណ្ឋាគារ Le Meridien Angkor ប្រមាណជា៨០នាក់ បានបន្តទាមទារដល់ថ្ងៃទី២ហើយ នៅថ្ងៃសុក្រនេះ បន្ទាប់ពីថ្នាក់ដឹកនាំ និងសកម្មជនសហជីពប្រចាំសណ្ឋាគារនេះ ត្រូវបានក្រុមហ៊ុនបញ្ឈប់ពីការងារ ខណៈសណ្ឋាគារដ៏ប្រណីតនៅខេត្តសៀមរាបនេះ បានបើកដំណើរការឡើងវិញកាលពីថ្ងៃទី១៥កក្កដា។ ដើមហេតុនៃការបញ្ឈប់អ្នកសហជីពទាំង៣នេះ គឺដោយសារពួកគេដែលដាក់ Profil Le Medienបាន Share និង Comment ព័ត៌មានមួយចំនួននៅលើហ្វេសប៊ុក ដែលជាការបន្តុះបង្អាប់សណ្ឋាគាររបស់ខ្លួន និងផ្តល់ព័ត៌មានដល់ដៃគូប្រកួតប្រជែង។ កញ្ញា ឌឿម ឆៃយ៉ា តំណាងគណៈកម្មការស្រ្តីរបស់សហជីព Le Medien Angkor ថ្លែងថា ក្រៅពីហេតុផលខាងលើ ថៅកែសណ្ឋាគារ បានចោទប្រកាន់ថាអ្នកសហជីព បានធ្វើការញុះញង់ ដោយពួកគេបានស្នើសុំដល់ក្រុមហ៊ុនឲ្យកាត់ប្រាក់ខែត្រឹម២០% ខណៈក្រុមហ៊ុនកាត់ប្រាក់ខែបុគ្គលិកកម្មករ ដែលមានប្រាក់ខែទាប រហូតដល់ទៅ៣៥% នៅក្នុងអំឡុងពេលព្យួរការងារនៃកូវីដ១៩។ កញ្ញា ឌឿម ឆៃយ៉ា បញ្ជាក់ថាពួកគេទាំង៣នាក់ទាមទារសិទ្ធិចូលធ្វើការវិញ ជាជាង ត្រូវបញ្ឈប់ដោយផ្តល់នូវប្រាក់សំណងផ្សេងៗ។ បើពុំនោះទេកញ្ញាចាត់ទុកថា រឿងនេះគឺជាការរើសអើងសហជីព។
ចុះផ្សាយនៅថ្ងៃ៖
សូមស្តាប់កញ្ញា ឌឿម ឆៃយ៉ា៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ