បើគ្រប់គ្រងជនអន្តោប្រវេសន៍មិនបានល្អ តើកម្ពុជាអាចនឹងជួបបញ្ហាប្រឈមអ្វីខ្លះនាពេលអនាគត?
ចុះផ្សាយនៅថ្ងៃ៖
ស្តាប់ - ១២:០៤
ម្សិលមិញ អតីតបក្សប្រឆាំងបានសម្តែងការព្រួយបារម្ភផង និង មិនគាំទ្រផងចំពោះចំណាត់ការរបស់ក្រសួងមហាផ្ទៃក្នុងការផ្តល់ប័ណ្ណស្នាក់នៅអចិន្ត្រៃយ៍ដល់ជនអន្តោប្រវេសន៍ដែលរស់នៅក្នុងច្បាប់នៅក្នុងប្រទេសកម្ពុជា។ បើតាមអតីតបក្សប្រឆាំង បើអាជ្ញាធរកម្ពុជាមិនរឹតបន្តឹងការអនុវត្តច្បាប់ទេ នោះកម្ពុជាអាចដើរជាន់ដានប្រវត្តិសាស្រ្តដូចយ៉ាងបាត់បង់ទឹកដីកម្ពុជាក្រោមជាដើម។ ប៉ុន្តែ ក្រសួងមហាផ្ទៃកម្ពុជាបានអះអាងហើយថា អាជ្ញាធរកំពុងដោះស្រាយបញ្ហាជនអន្តោប្រវេសន៍នេះដោយឈរតាមច្បាប់ស្តីពីអន្តោប្រវេសន៍។ សម្រាប់ក្រសួងមហាផ្ទៃ បញ្ហាដែលគួរឱ្យព្រួយបារម្ភនោះ គឺការយកបញ្ហាជនអន្តោប្រវេសន៍ទៅពាក់ព័ន្ធនឹងរឿងនយោបាយដែលនាំឱ្យមានហានិភ័យដល់សន្តិសុខជាតិ និងសណ្តាប់ធ្នាប់សាធារណៈ។ តែយ៉ាងណាក៏ដោយ ភាគីទាំងអស់សុទ្ធតែយល់ស្របពីសារៈសំខាន់នៃការអនុវត្តច្បាប់ ដើម្បីដោះស្រាយបញ្ហានេះ។
