កូវីដ១៩៖ សិស្សត្រូវប្រឡងជំរុញក្រសួងបើកសាលា ខណៈសិស្សឆ្លងផុតការប្រឡងស្នើពន្យាពេល
ចុះផ្សាយនៅថ្ងៃ៖
ស្តាប់ - ០៨:៣៨
ក្រសួងអប់រំយុវជននិងកីឡា គ្រោងនឹងបើកដំណើរការសាលារៀនទាំងអស់ឡើងវិញជា ៣ដំណាក់កាលនាពេលខាងមុខ។ ដោយឡែក តាមរយៈក្បាលមេក្រូវិទ្យុបារាំងអន្តរជាតិនៅថ្ងៃសៅរ៍នេះ សិស្សត្រៀមប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) និងត្រៀមប្រឡងសញ្ញាបត្របឋមភូមិ(ឌីប្លូម)ជំរុញក្រសួងអប់រំបើកសាលាឲ្យបានឆាប់។ រីឯសិស្សឆ្លងផុតដំណាក់កាលប្រឡង និងត្រៀមប្រឡងនៅឆ្នាំក្រោយ ឬឆ្នាំបន្តបន្ទាប់ ស្នើទៅក្រសួងអប់រំ ពន្យាពេលចូលរៀនរហូតដល់ចុងឆ្នាំ។សូមជម្រាបជូនថា ក្រសួងអប់រំបានលើកពេលរួចហើយ តាំងពីខែមេសា ដោយមិនកំណត់ពេលជុំវិញដំណើរការប្រឡងសញ្ញាបត្រមធ្យមសិក្សាទុតិយភូមិ និងប្រឡងសញ្ញាបត្របឋមភូមិ ដែលតាមគម្រោងដំណើរការប្រឡងទាំងពីរនឹងចាប់ផ្ដើមនៅខែសីហាខាងមុខនេះ។