ប្រាក់ឧបត្ថម្ភរបស់រដ្ឋ ដែលត្រូវបើកឲ្យពលរដ្ឋក្រីក្រី ងាយរងគ្រោះដោយសារជំងឺកូវីដ១៩ ដែលមានបណ្ណសមធម៌ បានធ្លាក់ដល់ដៃពលរដ្ឋប្រមាណ៥៦ម៉ឺនគ្រួសារបណ្តើរៗហើយ។ ក្នុងចំណោមពលរដ្ឋជាង៣០០គ្រួសារ នៅឃុំខ្ពប ស្រុកស្អាង ខេត្តកណ្តាល ដែលមានឈ្មោះត្រូវបើកប្រាក់ បាននាំគ្នាទៅបើកប្រាក់ជំនួយនេះ សឹងអស់ហើយ។ អ្នកទទួលបានប្រាក់អរ រីករាយ។ ចំណែកពលរដ្ឋមិនទទួលបានការឧបត្ថម្ភ ប្រាកដណាស់គឺមិនសប្បាយចិត្ត។
