បណ្ឌិត គី សេរីវឌ្ឍន៍៖ «កម្ពុជាអាចស្តារសេដ្ឋកិច្ចដោយខ្លួនឯង និងពឹងបរទេសតិចតួច តែត្រូវមានការបើកចំហរ»
ចុះផ្សាយនៅថ្ងៃ៖
ស្តាប់ - ១០:១៦
ការរាតត្បាតជំងឺកូវីដ១៩ កំពុងបង្កផលប៉ះទង្គិចយ៉ាងដំណំទៅលើក្បាលម៉ាស៊ីនសំខាន់ៗ សម្រាប់ជំរុញកំណើនសេដ្ឋកិច្ចរបស់កម្ពុជា ក្នុងនោះមានវិស័យទេសចរណ៍ ឧស្សាហកម្មនាំចេញ និងសំណង់ ដែលទាំងអស់នេះតំណាងឲ្យជាង៧០%នៃកំណើនសេដ្ឋកិច្ច និងផ្តល់ការងារមានកម្រៃប្រមាណជា៤០% នៃការងារសរុបរបស់ប្រទេស។ តាមរយៈហេតុផលនេះ ធនាគារពិភពលោកមើលឃើញថា នៅឆ្នាំ២០២០នេះ កំណើនសេដ្ឋកិច្ចត្រូវបានរំពឹងទុកថា នឹងមានល្បឿនយឺតបំផុត មិនធ្លាប់មានចាប់តាំងពីឆ្នាំ១៩៩៤មក ដោយវានឹងថមថយរហូតដល់រវាង -១ និង -២,៩%។ លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា បានថ្លែងថាវាជាវិបត្តិសេដ្ឋកិច្ច ដែលបានកើតឡើងអំឡុងពេល១០ឆ្នាំម្តងៗ ហើយវិបត្តិពេលនេះមានលក្ខណៈធ្ងន់ធ្ងរ ដោយសារតែផ្សារភ្ជាប់ទៅនឹងកូវីដ១៩។ ក៏ប៉ុន្តែកម្ពុជា អាចនឹងស្តារដោយខ្លួនឯងបាន តែចាំបាច់ត្រូវមានការបើកចំហរសេដ្ឋកិច្ច។
