ប្រធានមន្ទីរទេសចរណ៍៖ និន្នាការភ្ញៀវទេសចរក្នុងស្រុកទៅលេងខេត្តកំពតស្ទើរវិលមករកស្ថានភាពដើមវិញហើយ
ភ្ញៀវទេសចរនៅខេត្តកំពត ជាពិសេសទេសចរក្នុងស្រុក បានវិលត្រលប់ស្ទើរស្មើនឹងស្ថានភាពដើមវិញហើយ បន្ទាប់ពីប្រទេសកម្ពុជាមិនមានវិជ្ជមានវីរុសកូវីដ១៩ ជាប់ៗគ្នាអស់រយៈពេលជិត១ខែមកនេះ។ លោក សយ ស៊ីណុល ប្រធានមន្ទីរទេសចរណ៍ខេត្តកំពត បានថ្លែងនៅក្នុងសន្និសីទសារព័ត៌មាន ដែលរៀបចំដោយអង្គភាពអ្នកនាំពាក្យរដ្ឋាភិបាលនៅថ្ងៃសុក្រនេះថា ក្រោយពាក់កណ្តាលខែមេសាភ្ញៀវទេសចរក្នុងស្រុកទៅកម្សាន្តនៅខេត្តកំពតបាត់ស្ទើរទាំងស្រុងរយៈពេល៣សប្តាហ៍ ហើយទេសចរអន្តរជាតិធ្លាក់ចុះចាប់តាំងពីពាក់កណ្តាលខែមីនារហូតមកទល់បច្ចុប្បន្ន។ ក៏ប៉ុន្តែគ្រាន់តែរដ្ឋាភិបាលបានបើកបំរាមឆ្លងកាត់ខេត្ត រាជធានី កាលពីពាក់កណ្តាលខែមេសា ភ្ញៀវទេសចរក្នុងស្រុកបានវិលត្រលប់មករកស្ថានភាពធម្មតា ហើយសេវាកម្មនានាត្រូវបានបើកឲ្យដំណើរការឡើងវិញ លើកលែងតែសេវាកម្សាន្តទេសចរពេញវ័យ ម៉ាស្សា KTV ជាដើម។
ចុះផ្សាយនៅថ្ងៃ៖
ស្តាប់ - ០២:០៨