លោក ស្រ៊ុន ពៅ៖ «បើទប់ស្កាត់បានល្អដូចពេលនេះ ២ឆ្នាំក្រោយ កម្ពុជានឹងមានជ្រូកគ្រប់គ្រាន់ និងអាចនាំចេញបាន»
ចុះផ្សាយនៅថ្ងៃ៖
ស្តាប់ - ០៩:២២
នៅក្នុងអំឡុងពេលដែលមានការរាតត្បាតវីរុសកូវីដ១៩នេះ ការចិញ្ចឹមសត្វនៅក្នុងប្រទេសកម្ពុជាមានផលប៉ះពាល់តិចតួច។ លោក ស៊្រុន ពៅ ប្រធានសមាគមអ្នកចិញ្ចឹមសត្វកម្ពុជា ថ្លែងថាកសិករខ្មែរត្រូវបានជម្រុញឲ្យមានការចិញ្ចឹមជ្រូកឲ្យបានខ្លាំងក្លា ដោយសារមានការគាំទ្រកម្ចីដែលមានការប្រាក់ទាបពីធនាគារអភិវឌ្ឍន៍ជនបទនិងកសិកម្ម ហើយម្យ៉ាងទៀតដើម្បីការពារការខ្វះស្បៀងនៅពេលចប់ហេតុការណ៍កូវីដ១៩។ តាមលោកស្រ៊ុន ពៅ កម្ពុជានឹងអាចឆ្លើយតបទៅនឹងការផ្គត់ផ្គង់ជ្រូកក្នុងស្រុក និងអាចនាំចេញទៅលក់ក្រៅប្រទេសក្នុងអំឡុង២ឆ្នាំទៀត ប្រសិនបើការបិទជ្រូកនាំចូលខុសច្បាប់ធ្វើបានល្អប្រសើរដូចបច្ចុប្បន្ននេះ។