លោក ឈួន វ៉ន់៖ ក្រសួងនឹងបង្កើនម៉ោងធ្វើការទាំងថ្ងៃសៅរិ៍និងថ្ងៃអាទិត្យ ដើម្បីផ្តល់សេវាឆៀករថយន្តនិងប័ណ្ណបើកបរដល់ពលរដ្ឋ
ចុះផ្សាយនៅថ្ងៃ៖
ស្តាប់ - ១១:០១
ក្រសួងសាធារណការនិងដឹកជញ្ជូនបានបន្ថែមថ្ងៃធ្វើការ នៅថ្ងៃសៅរិ៍ និងថ្ងៃអាទិត្យបន្ថែមទៀត ដើម្បីផ្តល់សេវាធ្វើប័ណ្ណបើកបរ និងត្រួតពិនិត្យលក្ខណៈបច្ចេកទេសយានយន្ត ឬ ឆៀក ជូនដល់ប្រជាពលរដ្ឋ។ បើតាមលោក ឈួន វ៉ន់ អគ្គនាយកនៃអគ្គនាយកដ្ឋានដឹកជញ្ជូនផ្លូវគោកនៃក្រសួងសាធារណៈការនិងដឹកជញ្ជូន ដែលជាភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃនេះ បានលើកឡើងថា កំណើនពលរដ្ឋដែលមកធ្វើប័ណ្ណបើកបរ និងឆៀករថយន្ត បានកើនឡើង១ទ្វេជា៣ ឬជា៤ដង បើធៀបនឹងថ្ងៃមុនពេលកម្ពុជាដាក់ឲ្យអនុវត្តច្បាប់ចរាចរណ៍ផ្លូវគោក។ សូមបញ្ជាក់ថា ចាប់ពីថ្ងៃទី ០១ ខែកក្កដា ខាងមុខនេះតទៅ សមត្ថកិច្ចនឹងចាប់ផ្ដើមការផាកពិន័យចំពោះរថយន្តដែលអត់ឆៀកឡើងវិញ។
