ត្រីមាសទី១ឆ្នាំ២០២០៖ ការនំាចេញរបស់កម្ពុជាទៅអាមេរិកមានកំណើនជាង៤២ភាគរយ
គិតត្រឹមត្រីមាសទី១ ឆ្នាំ២០២០នេះ ទំហំពាណិជ្ជរវាងកម្ពុជា-អាមេរិក មានការកើនឡើងគួរឱ្យកត់សម្គាល់។ ជាក់ស្តែងពីខែមករា ដល់ មីនា កម្ពុជាបាននំាចេញទៅសហរដ្ឋអាមេរិកមានកំណើន ៤២,២៩ ភាគរយ បើប្រៀបធៀបទៅនឹងរយៈពេលដូចគ្នាកាលពីឆ្នាំ២០១៩។ យោងតាមទិន្នន័យពីរដ្ឋាភិបាលអាមេរិក កម្ពុជាសម្រេចបានកំណើនគិតជាទឹកប្រាក់ចំនួន ១៥៩៤,៤ លានដុល្លារអាមេរិក។ កម្ពុជាភាគច្រើននាំចេញទៅកាន់សហរដ្ឋអាមេរិករួមមាន៖ វិស័យវាយនភ័ណ្ឌ កាត់ដេរ សំលៀកបំពាក់ ស្បែកជើង សម្ភារៈសម្រាប់ធ្វើដំណើរ និងផលិតផលកសិកម្ម។ ខណៈ អាមេរិកនាំចូលមកកម្ពុជាភាគច្រើនគឺគ្រឿងចំណីសត្វ និងគ្រឿងម៉ាស៊ីន។ ស្ថិតក្នុងកាលៈទេសៈដែលពិភពលោកទាំងមូលកំពុងមានការរាតត្បាតជំងឺកូវីដ១៩ តើហេតុអ្វីបានជាការនាំចេញពីកម្ពុជា ទៅអាមេរិកមានការកើនឡើងបែបនេះ?
ចុះផ្សាយនៅថ្ងៃ៖
ស្តាប់ - ០២:១៨
គួររំលឹកជូនថា ចាប់តាំងពីការផ្ទុះរាលដាលនៃជំងឺកូវីដ១៩ នៅអឺរ៉ុប និងសហរដ្ឋអាមេរិកមក ការនាំចេញផលិតផលសម្លៀកបំពាក់របស់កម្ពុជា បានថយចុះប្រមាណ ៥០ភាគរយ ក្នុងត្រឹមត្រីមាសទី១ ក្នុងឆ្នាំ២០២០នេះ។ នេះបើតាមលោកហេង សួរ កាលពីថ្មីៗកន្លងទៅនេះ។ លោក ហេង សួរ បានបញ្ជាក់ថា ក្រុមហ៊ុនបញ្ជាទិញធំៗ បានស្នើភាគីរោងចក្រនៅកម្ពុជាផ្អាកការដឹកទំនិញនាំចេញមួយរយៈសិន ហើយសម្រាប់ខែឧសភា និង ខែមិថុនា កម្ពុជាមិនទាន់ទទួលបានតួរលេខនៃការបញ្ជាទិញពីក្រុមហ៊ុនបញ្ជាទិញធំៗនៅឡើយទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ