ដើម្បីការពារការឆ្លងកូវីដ១៩ ក្រសួងបានបិទមណ្ឌលសង្គមកិច្ចទាំងអស់នៅក្នុងអំឡុងពេលចូលឆ្នាំ
នៅក្នុងសន្និសីទកាសែត ដែលរៀបចំឡើងដោយអង្គភាពអ្នកនាំពាក្យរដ្ឋាភិបាលនាព្រឹកថ្ងៃអង្គារនេះ លោក តូច ចាន់នី អគ្គនាយកបច្ចេកទេស និងជាអ្នកនាំពាក្យក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងថាក្រសួងសង្គមកិច្ចមិនមានគោលការណ៍ជួយដល់អ្នកប្រកបអាជីវកម្មតូចតាចនានា ដែលរងគ្រោះដោយសារឥទ្ធិពលនៃវីរុសកូវីដ១៩ទេ។ ទាក់ទងទៅនឹងសំណួរថានៅក្នុងអំឡុងនៃការផ្ទុះរាលដាលជំងឺកូវីដនេះ តើក្រសួងសង្គមកិច្ចបានជួយអ្វីខ្លះ លោក តូច ចាន់នី បញ្ជាក់ថា ក្រសួងបានផ្តោតទៅលើការប្រុងប្រយ័ត្នជាពិសេសទៅលើមណ្ឌលសង្គមកិច្ច ដែលប្រមូលផ្តុំទៅដោយអ្នកញៀនគ្រឿងញៀន និងកុមារកំព្រាជាដើម។ អ្នកនាំពាក្យរូបនេះបញ្ជាក់ថា នៅក្នុងឱកាសបុណ្យចូលឆ្នាំខ្មែរកន្លងទៅនេះ មណ្ឌលសង្គមកិច្ចទាំងអស់ត្រូវបានបិទមិនឲ្យមានការសួរសុខទុក្ខ ហើយក៏មិនអនុញ្ញាតឲ្យក្មេងក្នុងមណ្ឌលចេញទៅក្រៅដើម្បីជួបជុំគ្រួសារដែរ។
ចុះផ្សាយនៅថ្ងៃ៖
ស្តាប់ - ០១:៥០
