រៀនតាមអនឡាញ៖ សិស្សសាលារដ្ឋ នឹងមានប្រៀបតិចតួចធៀបនឹងសិស្សសាលាឯកជន?
ចុះផ្សាយនៅថ្ងៃ៖
ស្តាប់ - ១២:០៤
ក្រសួងអប់រំយុវជន និងកីឡា បានដាក់ឲ្យដំណើរការហើយនូវវិធីសាស្ត្រផ្សេងៗ ដើម្បីបញ្ជូនចំណេះដឹងពីគ្រូទៅសិស្សបែបអនឡាញនៅក្នុងដំណាក់កាលនៃការប្រឈមនឹងវីរុសកូវីដ១៩នេះ។ វិធីសាស្ត្រទាំងនោះរួមមានតាមរយៈការចាក់ផ្សាយការបង្រៀនតាមទូរទស្សន៍ តាមវិទ្យុ តាមប្រព័ន្ធបណ្តាញសង្គមផ្សេងទៀត។ នេះចំពោះវិធានការទូទៅ។ ដោយឡែកសម្រាប់សាលាឯកជន ការបង្រៀនតាមអនឡាញហាក់មានប្រៀបជាងសាលារដ្ឋដោយសារតែគេមានលទ្ធភាព និងសមត្ថភាពគ្រប់គ្រាន់។ ចំណុចនេះ បង្កជាការបារម្ភថាការសិក្សាតាមអនឡាញបង្កឲ្យមានគម្លាតនៃការទទួលចំណេះដឹងរវាងសិស្សសាលាឯកជន សាលារដ្ឋនៅទីប្រជុំជន និងសាលារដ្ឋនៅតាមតំបន់ដាច់ស្រយាល។