លោក អ៊ុន ចាន់ដា៖ វិធានការកំហិតការធ្វើដំណើររបស់រដ្ឋាភិបាល មិនមែនជាការគៀបសង្កត់លើប្រជាពលរដ្ឋនោះទេ
ចុះផ្សាយនៅថ្ងៃ៖
ស្តាប់ - ០៨:៣១
រដ្ឋាភិបាលកម្ពុជា ចាប់តាំងពីវេលាម៉ោង១២យប់ថ្ងៃទី ០៩ មេសា រហូតដល់យប់ថ្ងៃទី ១៦ មេសា បានដាក់កំហិតការធ្វើដំណើររបស់ប្រជាពលរដ្ឋកម្ពុជានៅទូទាំងផ្ទៃប្រទេស ដើម្បីទប់ស្កាត់ការឆ្លងរីករាលដាលនៃជំងឺកូវីដ១៩។ ការកំហិតការធ្វើដំណើរនេះ គឺពីរាជធានីភ្នំពេញទៅកាន់បណ្តាខេត្ត និងការធ្វើដំណើរចេញពីខេត្តមួយទៅខេត្តមួយទៀត។ និយាយដោយឡែកសម្រាប់តែខេត្តកំពង់ចាម ខេត្តនេះបានដាក់ កម្លាំងជាង៨០០នាក់នៅតាមគោលដៅចំនួន១៦ ដើម្បីអនុវត្តបទបញ្ជារបស់រដ្ឋាភិបាលនេះ។ លោក អ៊ុន ចាន់ដា អភិបាលខេត្តកំពង់ចាម ដែលជាភ្ញៀវប្រចាំថ្ងៃរបស់វិទ្យុបារាំងអន្តរជាតិ នៅរាត្រីនេះបានថ្លែងគាំទ្រវិធានការរបស់រដ្ឋាភិបាល សំដៅការពារអាយុជីវិតរបស់ប្រជាពលរដ្ឋ តែមិនមែនជាការគៀបសង្កត់លើប្រជាពលរដ្ឋនោះទេ។
