លោក ថោង ខុន៖ក្រសួងកំពុងធ្វើសេចក្តីព្រាងជួយបុគ្គលិកសណ្ឋាគារដែលបិទទ្វារដោយសារវិបត្តិកូវីដ១៩
ចុះផ្សាយនៅថ្ងៃ៖
ស្តាប់ - ១១:៤៣
យ៉ាងហោចណាស់មានសណ្ឋាគារជាង៤០នៅក្នុងខេត្តសៀមរាប ក្នុងចំណោមជាង២០០បានបិទទ្វារនិងផ្អាកដំណើរការជាបណ្តោះអាសន្ន ដោយសារគ្មានភ្ញៀវស្នាក់នៅ។ ការណ៍នេះ បានបណ្តាលឲ្យបុគ្គលិកនិយោជិតនៅក្នុងវិស័យឧស្សាហកម្មទេសចរណ៍នេះ ប្រមាណជាង២០០០នាក់ កំពុងប្រឈមបាត់បង់ការងារធ្វើ។ ប្រឈមនឹងបញ្ហានេះ លោក ថោង ខុន រដ្ឋមន្ត្រីក្រសួងទេសចរណ៍កម្ពុជា ដែលជាភ្ញៀវប្រចាំថ្ងៃរបស់វិទ្យុបារាំងអន្តរជាតិ នៅរាត្រីនេះ បានគូសបញ្ជាក់ថា ក្រសួងកំពុងធ្វើសេចក្តីព្រាងជាមួយក្រសួងសេដ្ឋកិច្ចនិងហិរញ្ញវត្ថុ ដើម្បីជួយសម្រួលដល់ពួកគេហើយ។ សូមបញ្ជាក់ថា ក្នុងរយៈពេល២ខែដើមឆ្នាំ២០២០នេះ កម្ពុជាទទួលបានភ្ញៀវទេសចរបរទេសតែជាង៨០ម៉ឺននាក់ប៉ុណ្ណោះ ហើយចំនួននេះបានធ្លាក់ចុះប្រមាណជាង៣០% នៅទូទាំងប្រទេស ហើយក្នុងនោះខេត្តសៀមរាប ប៉ះពាល់ធ្ងន់ធ្ងរជាងគេ។—