លោកប៊ុន មុនី៖ ជនរងគ្រោះផ្ទាល់ពីជំងឺកូវីដ១៩ នឹងទទួលបានការអនុគ្រោះពីធនាគារនិងគ្រឹះស្ថានមីក្រូហិរញ្ញវត្ថុ
ចុះផ្សាយនៅថ្ងៃ៖
ស្តាប់ - ០៧:៥៧
ធនាគារជាតិនៃកម្ពុជា កាលពីថ្ងៃទី ១៧ មីនា បានដាក់ចេញនូវវិធានការគាំទ្រចំនួន៥ចំណុច ដើម្បីផ្តល់សន្ទនីយភាពបន្ថែមដល់គ្រឹះស្ថានធនាគារ និងហិរញ្ញវត្ថុ សំដៅរួមចំណែកកាត់បន្ថយផលប៉ះពាល់ពីជំងឺកូវីដ១៩ មកលើសេដ្ឋកិច្ចកម្ពុជា ស្របតាមគោលនយោបាយរបស់រដ្ឋាភិបាលកម្ពុជា។ លោក ប៊ុន មុនី អគ្គនាយក វិថី Micro Finance និងជាសមាជិកក្រុមប្រឹក្សាភិបាលសមាគមគ្រឹះស្ថានមីក្រូហិរញ្ញវត្ថុកម្ពុជា ដែលជាភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ បានមើលឃើញថា វិធានការនេះ បានជួយសំរាលដល់ធនាគារពាណិជ្ជ និងគ្រឹះស្ថានមីក្រូហិរញ្ញវត្ថុ ក្នុងការបន្តផ្តល់ប្រាក់កំចីដល់អតិថិជនរបស់ខ្លួន។ បើតាមលោក ប៊ុន មុនី ធនាគារពាណិជ្ជនិងគ្រឹះស្ថានមីក្រូហិរញ្ញវត្ថុ នឹងស្វាគមន៍ជួយគាំទ្រតែប្រជាពលរដ្ឋដែលរងគ្រោះពិតប្រាកដពីជំងឺកូវីដ១៩តែប៉ុណ្ណោះ។