លោកមាស សុខសេនសាន៖ កម្ពុជានឹងព្យាករកំណើនសេដ្ឋកិច្ចជាថ្មី ក្រោយរងផលប៉ះពាល់ពីមេរោគកូរ៉ូណានិងEBA
ចុះផ្សាយនៅថ្ងៃ៖
ស្តាប់ - ១៣:៣៧
ក្រសួងសេដ្ឋកិច្ចនិងហិរញ្ញវត្ថុ នឹងធ្វើការព្យាករកំណើនសេដ្ឋកិច្ចរបស់ខ្លួនជាថ្មី បន្ទាប់ពីរងផលប៉ះពាល់ពីមេរោគកូរ៉ូណាវីរុស ឬកូវីដ-19 និងការដកផ្នែកខ្លះនៃប្រព័ន្ធអនុគ្រោះពន្ធ EBA ពីសហភាពអឺរ៉ុប។ សូមបញ្ជាក់ថា កាលពីខែមករាកន្លងទៅ ក្រសួងសេដ្ឋកិច្ចនិងហិរញ្ញវត្ថុកម្ពុជា បានទម្លាក់ការព្យាករកំណើនសេដ្ឋកិច្ចរបស់កម្ពុជានៅឆ្នាំ២០២០ ពី ៦.៥% មកនៅត្រឹម៦.១%វិញ។ លោកមាស សុខសេនសាន អ្នកនាំពាក្យនិងជាអគ្គលេខាធិការនៃក្រសួងសេដ្ឋកិច្ចនិងហិរញ្ញវត្ថុ ដែលជាភ្ញៀវរបស់វិទ្យុបារាំងអន្តរជាតិ RFI នៅរាត្រីនេះ បានលើកឡើងថា ការព្យាករកំណើនសេដ្ឋកិច្ចរបស់កម្ពុជាជាថ្មី អាចនឹងធ្វើឡើងនៅត្រីមាសទី១ ឬត្រីមាសទី២ នៃឆ្នាំ ២០២០នេះ បន្ទាប់ពីគេត្រូវរងចាំមើលថាតើ ឥទ្ធិពលនៃមេរោគកូរ៉ូណា ឬជំងឺកូវីដ-19 អូសបន្លាយពេលយូរប៉ុណ្ណា។